Mövsümün sonunda komandadan ayrılacaq "Bavariya"nın hücumçusu Tomas Müller gələcəyi ilə bağlı danışıb.
Operativ Media xəbər verir ki, bu haqda "Sky Sports" məlumat yayıb.
"Hələlik bilmirəm. Hələlik konkret bir şey yoxdur, amma təbii ki, fikirlərim var. Düşünürəm ki, yaxın bir neçə həftə ərzində daha çox məlumat əldə edəcəyik. Klublararası dünya çempionatı hələ qarşıdadır. Təbii ki, mən ABŞ variantını nəzərdən keçirirəm. Mənim konkret strategiyam yoxdur. Mən heç vaxt bir plana diqqət yetirməmişəm. Mən təkliflərə açığım", - deyə Müller bildirib.
Mayın 10-da Müller Münhen klubunun heyətində son ev oyununu keçirib. Aprel ayında o, 2024/25 mövsümünün sonunda komandadan ayrılacağını açıqlamışdı.
2007-ci ildən "Bavariya"nın əsas komandasında çıxış edən futbolçu 13 dəfə Almaniya çempionu olub, 6 dəfə Almaniya kubokunun, 8 dəfə Almaniya Superkubokunun qalibi olub, həmçinin hərəyə 2 dəfə Çempionlar Liqası və UEFA Superkubokunun qalibi olub.
