“Legiya”nın hücumçusu “Qarabağ”ın transfer HƏDƏFİNDƏ

Hücumçu axtarışlarını davam etdirən “Qarabağ” daha bir futbolçu ilə maraqlanmağa başlayıb.

Bizim.Media xəbər verir ki, Polşanın “Legiya” klubunun hücumçusu Mark Qualyodan gedir.

Polşa mətbuatının yazdığına görə Ağdam təmsilçisi uzun müddətdir ki, ispaniyalı hücumçunun oyununu izləyir və yay fasiləsində “Legiya” ilə rəsmi danışıqlara başlamaq fikrindədir. Skautların rəyinə görə Mark Qualyo “Qarabağ”ın oyun tərzinə tam uyğun gələn futbolçudur.

Qeyd edək ki, “Legiya” ilə müqaviləsi 2026-cı ildə başa çatacaq hücumçunun transfer dəyəri 500 min avro göstərilir.

Bizim.Media