ABŞ yaxın bir neçə gün ərzində Ukraynadakı müharibənin sülh yolu ilə həllində irəliləyiş görmək istəyir və bu münaqişənin hərbi həll yolu yoxdur. Bunu ABŞ dövlət katibi Marko Rubio NATO xarici işlər nazirlərinin Türkiyədə keçirilən qeyri-rəsmi toplantısının əvvəlində deyib. Rubio qeyd edib ki, ABŞ prezidenti Donald Tramp Ukrayna ilə Rusiya arasında müharibənin bitməli olduğu fikrini müdafiə edir. "O, bizi ədalətli və davamlı sülhə aparacaq istənilən mexanizmə meyllidir. Trampın görmək istədiyi də budur. O, müharibənin sonunu görmək istəyir", - deyə Rubio bildirib.
Surxay Əliyev
