BAKI, TurkicWorld
Dəməşqdə İŞİD-ə qarşı əməliyyat zamanı bir çox terrorçu saxlanılıb.
TurkicWorld xəbər verir ki, Suriya Daxili İşlər Nazirliyi Dəməşqin Qərbi Quta bölgəsində İŞİD terror təşkilatının hüceyrə strukturlarına qarşı genişmiqyaslı əməliyyat keçirildiyini açıqlayıb.
Əl-Kisva, Deyr Həbiyə, Əl-Mukayliba və Zəkiyə qəsəbələrini əhatə edən əməliyyat nəticəsində çoxlu sayda təşkilat üzvü saxlanılıb.
Qeyd edək ki, əməliyyat zamanı təhlükəsizlik qüvvələri İŞİD-ə məxsus istilik axtaran raketlər, müxtəlif növ silahlar, partlayıcı qurğular və partlamağa hazır kamikadze jiletləri ələ keçirildiyini bildirib.
