Hindistan ordusu komandanlığı sərhəddə vəziyyəti yaxşılaşdırmaq üçün Pakistan hərbçiləri ilə birgə tədbirlərin davam etdirildiyini elan edib, cümə axşamı Hindustan Times qəzeti yazır.
“Tərəflər sərhəddə gərginliyin azaldılması və döyüş hazırlığının səviyyəsinin aşağı salınması üzrə tədbirləri davam etdirmək barədə razılığa gəliblər”, - nəşr yazır.
Hər iki ölkənin komandanlıqları arasında sonuncu dəfə mayın 12-də danışıqlar aparılıb. Onlar daha əvvəl əldə olunmuş atəşkəs razılaşmalarına əməl olunmasını yenidən müzakirə ediblər.
Mayın 10-da ABŞ prezidenti Donald Tramp Hindistan və Pakistanın atəşkəs barədə razılığa gəldiyini açıqlayıb. Pakistanın xarici işlər naziri İshaq Dar, Yeni Dehli və İslamabadın hərbi əməliyyatları dayandırmaq barədə razılığa gəldiyini təsdiqləyib. Bununla belə, Hindistan xarici işlər nazirinin müavini Vikram Misri Pakistanın atəşkəsi bir neçə saat ərzində pozduğunu və Hindistanın cavab tədbirləri gördüyünü bildirib.
Əziz Mustafa, Oxuməni.az
