Pakistan və Hindistan etimadın möhkəmləndirilməsi üzrə tədbirləri davam etdirəcəklər
Pakistan və Hindistan silahlı qüvvələri döyüş hazırlığı səviyyəsini azaltmaq məqsədilə etimadın möhkəmləndirilməsi tədbirlərini davam etdirməyi qərara alıblar.
Bu barədə Hindistan ordusundakı mənbə bildirib.
“Hindistan və Pakistan hərbi əməliyyat komandanlarının mayın 10-da əldə etdikləri qarşılıqlı anlaşmaya əlavə olaraq, döyüş hazırlığı səviyyəsini azaltmaq məqsədilə etimadın möhkəmləndirilməsi tədbirlərini davam etdirmək qərara alınıb”, – o açıqlayıb.
Daha əvvəl Pakistanın Baş nazirinin birinci müavini, xarici işlər naziri İshaq Dar demişdi ki, Hindistan və Pakistan atəşkəs rejimini mayın 18-dək uzatmaq barədə razılığa gəliblər. Dar bu barədə razılaşmanın iki ölkənin hərbi əməliyyat komandanlarının mayın 14-də telefon danışığı zamanı əldə edildiyini qeyd etmişdi.
- Gecə Modu
- Ana səhifə
- Statistika
- Mənbələr
- Reytinq
- Hava
- Valyuta
