2 may 2025-ci il tarixində Bakı Fond Birjasının (BFB) Listinq Komitəsinin qərarı ilə "KREDİT EVİ" ASC-nin 1 milyon manatlıq istiqrazların ticarətə buraxılması üçün “Ticarətə İcazə” qərarı verilib.
Birjanın yaydığı məlumata görə, qeyd olunan AZ2002021494 ISIN kodlu istiqrazların yerləşdirilməsi üzrə hərrac 22.05.2025-ci il tarixində yekunlaşıb. İstiqrazlara 50 investor 50 sifariş təqdim edib və tam məbləğdə yerləşdirilib.
Qeyd olunan qiymətli kağızların ticarət nəticələri “Bakı Fond Birjasında Qiymətli Kağızların Ticarətə Qəbulu, Listinqə Alınması, Listinqdə Saxlanılması və Delistinqi Qaydaları”-n 3.19 bəndinin tələblərinə cavab verdiyindən, adıgedən istiqrazlar Standart Bazar Listinq seqmentinə alınır.
İstiqrazlar üzrə məlumat aşağıdakı kimidir:
Emitentin adı: "KREDİT EVİ" ASC
Dövlət qeydiyyat nömrəsi – İSİN: AZ2002021494
İstiqraqzların növü və forması: Faizli, təminatsız, sənədsiz, adlı istiqrazlar
Ticarət üsulu/forması: Kütləvi/ Rəqabətli hərrac
İstiqrazların sayı: 1000 ədəd
İlkin ticarət qiyməti: 1000 manat
Buraxılış həcmi: 1 000 000 manat
İllik gəlirlilik faizi: 17%
Ödəmə periodu: İlk istiqrazın yerləşdirildiyi tarixdən etibarən ildə günlərin sayı 360 (üç yüz altmış) olaraq götürməklə hər 30 (otuz) günündən bir
Tədavül müddəti: 5 il
Sifarişlərin ümumi həcmi (nominal qiymətlə): 1 000 000 manat
Reallaşdırılmış həcm: 1 000 000 manat
Minimal qiymət: 1000 manat (17%)
Maksimal qiymət: 1000 manat (17%)
Ehtimal olunan kəsmə qiymət*: 1000 manat (17.0000%)
Ortaçəkili qiymət: 1000 manat (17%)
İnvestor sayı: 50
Sifariş sayı: 50
Anderrayter: “PAŞA Kapital İ.Ş.” QSC
