ABŞ Prezidenti Donald Tramp Rusiya lideri Vladimir Putinin hərəkətlərindən narazı olduğunu bildirib.
Publika.az xəbər verir ki, bu barədə CNN məlumat yayıb.
"Mən Putinin etdiklərindən razı deyiləm. O, çoxlu insanı öldürür və doğrusu, Putinə nə olub, bilmirəm. Onu çoxdan tanıyıram. Həmişə onunla münasibətlərim normal olub, amma indi o, şəhərlərə raketlər göndərir, insanları öldürür və bu, mənim heç xoşuma gəlmir", - o, jurnalistlərlə söhbəti zamanı qeyd edib.
Ağ Ev rəhbərinin sözlərinə görə, o, Kiyev və Moskva arasında dialoq zamanı Rusiyanın Ukrayna obyektlərinə hücum etməsindən narazı qalıb .
