Honq Konq və Sinqapurda COVID-19-un yeni dalğası yayılıb.
Bakıvaxtı.az xəbər verir ki, bu barədə hər iki ölkənin səhiyyə orqanları xəbərdarlıq edib.
Honq Konqda virusun aktivliyi olduqca yüksəkdir. Təsdiqlənmiş yoluxma hallarının sayı son bir ildə ən yüksək həddə çatıb və ağır yoluxma hallarının sayı da artıb.
Sinqapurun Səhiyyə Nazirliyi yoluxmaların artmasını əhalidə immunitetin zəifləməsi ilə əlaqələndirib. Onlar qeyd ediblər ki, dövriyyədə olan variantların pandemiya dövründəkindən daha yoluxucu və ya daha ağır hallara səbəb olduğuna dair heç bir əlamət yoxdur.
