NATO xarici işlər nazirlərinin qeyri-rəsmi toplantısına ev sahibliyi edən Antalyada Ukraynanın xarici işlər naziri Andrey Sibiqa ABŞ dövlət katibi Marko Rubio ilə görüşüb.Sibiqa X sosial media platformasında Antalyada keçirilən NATO Xarici İşlər Nazirlərinin Qeyri-rəsmi Toplantısı çərçivəsində amerikalı həmkarı Rubio ilə görüşdüyünü bildirib.“Atılacaq addımların məntiqini ətraflı müzakirə etdik və yanaşmalarımızı paylaşdıq” deyən Sibiqa ABŞ-a sülh danışıqlarında iştirakına görə təşəkkürünü bildirib.Sibiqa ABŞ ilə əməkdaşlığı daha da inkişaf etdirməyə hazır olduqlarını qeyd edərək, "Rusiyanın Ukraynanın konstruktiv addımlarına cavab verməsi kritikdir. Hələlik bu baş verməyib. Moskva sülhü rədd etməyin bir əvəzinin olduğunu başa düşməlidir" deyib.
