Avropa ölkələri ABŞ Prezidenti Donald Trampın rüsum siyasəti səbəbindən çətin vəziyyətdədirlər.
"Report" xəbər verir ki, bu barədə "Bloomberg" yazıb.
"Amerikanın yeni "Qızıl çağı"nın başlanmasına həsr olunmuş Trampın ikinci müddəti, çox güman ki, Qərbin tənəzzülündə həlledici an olacaq. Avropa ölkələrinin ABŞ-nin liderliyi olmadan yenidən təşkilatlanmaq imkanı yoxdur", — məqalədə qeyd edilir.
Materialda vurğulanır ki, Avropa əsasən öz apatiyası səbəbindən ABŞ-yə, ABŞ-nin Avropaya ehtiyacı olduğundan daha çox ehtiyac duyur. Ekspertlər bildiriblər ki, Avropa İttifaqı (Aİ) siyasi cəhətdən zəifdir, onun üzvləri Trampla necə davranmaq məsələsi də daxil olmaqla, demək olar ki, bütün məsələlərdə fikir ayrılığı yaşayırlar.
Bundan əlavə, Avropa liderləri müdafiələrini necə gücləndirəcəkləri və xərcləri necə bölüşdürəcəkləri, Çinlə necə davranacaqları və s. barədə qərar verə bilmirlər.
