ABŞ Prezidenti Donald Tramp, Rusiya Prezidenti Vladimir Putinin danışıqların başlanması təklifinə müsbət reaksiya verib.
Musavat.com xəbər verir ki, Tramp, Rusiya və Ukrayna arasındakı müharibənin sona çatmasının hər iki ölkə üçün yeni və daha yaxşı bir dünya yaradacağına inandığını vurğulayıb.
Tramp bu münaqişənin "sonsuz qanlı müharibə"yə səbəb olduğunu, lakin bu müharibənin sona çatması ilə yüzminlərlə həyatın xilas olacağını qeyd edib.
O, ABŞ-ın hər iki tərəflə əməkdaşlıq edərək münaqişənin həllinə nail olmağa çalışacağını, ticarət və bərpa işlərinə yönələcəyini bildirib.
Tramp “böyük həftənin” yaxınlaşdığını və bu məsələni hər iki tərəf ilə müzakirə etməyə davam edəcəyini əlavə edib.
Musavat.com
