"Qarabağ"ı futbolçusu Amin Rzayev Misli Premyer Liqasının 2024/25 mövsümünün rekorduna imza atıb.
QOL.az klubun mətbuat xidmətinə istinadən xəbər verir ki, 33-cü turun “Sumqayıt”la görüşündə meydana çıxan müdafiəçi mövsümün ən gənc futbolçusu olub.
O, Premyer Liqada 15 yaş 204 günlüyündə debüt edib. 2009-cu il oktyabrın 12-də anadan olan Rzayev bu göstəricidə mövsümün yeni rekordçusu olub.
O, son 15 mövsümdə 16 yaşı tamam olmadan debüt edən 6-cı futbolçu olub. 2010/11 mövsümündən başlayan dövrdə yalnız iki futbolçu meydana daha gənc ikən çıxıb. Bu müddətdə mütləq rekord Budaq Nəsirova məxsusdur, Anar Həsənov 2-cidir.
Son 15 ilin 15 yaşlı debütantları:
1. Budaq Nəsirov – 15 yaş 128 gün (“Turan”, 2011/12)
2. Anar Həsənov – 15 yaş 202 gün (“Rəvan”, 2012/13)
3. Amin Rzayev – 15 yaş 204 gün (“Qarabağ”, 2024/25)
4. Orxan Əliyev – 15 yaş 231 gün (“Sumqayıt”, 2011/12)
5. Elnur Cəfərov – 15 yaş 320 gün (“Xəzər Lənkəran”, 2012/13)
6. Səbuhi Abdullazadə - 15 yaş 349 gün (“Sumqayıt”, 2017/18)
