“Neftçi” və “Sabah” final seriyasında ikinci oyuna çıxacaq

Bu gün kişilər arasında Azərbaycan Basketbol Liqasında final seriyası davam edəcək.

"Football-plus.az" xəbər verir ki, bu gün həlledici mərhələnin ikinci oyunu baş tutacaq.

Son çempion “Sabah” Bakı İdman Sarayında “Neftçi”ni sınağa çəkəcək. Rimas Kurtinaytisin komandası 1-ci görüşdə “ağ-qaralar”ı 94:89 hesabı ilə məğlub edib.

Qeyd edək ki, final seriyasında 4 qələbə qazanan komanda çempion olacaq. Növbəti iki qarşılaşmanın mayın 6-da və 8-də keçirilməsi planlaşdırılır.

Azərbaycan Basketbol Liqası
Final, 2-ci oyun
4 may
Neftçi – Sabah
Bakı, İdman Sarayı. Saat 14.00.