Suriyanın Xmeymim şəhərində yerləşən Rusiya hərbi aviabazası silahlı hücum hədəfi olub. Onların Suriyadakı radikal qrupların üzvləri olduğu ehtimal edilir.
Qaziler.az bildirir ki, bu barədə RBC-Ukrayna yerli ANHA agentliyinə istinadən xəbər verir.
KİV-in məlumatına görə, naməlum silahlı şəxslər Latakiyanın qərbindəki Xmeymim aviabazasının ətrafındakı bir neçə Rusiya hərbi nəzarət məntəqəsinə hücum ediblər.
Suriya İnsan Haqları Müşahidə Qrupu hücumdan sonra Xmeymim aviabazasının ətrafında “görünməmiş təhlükəsizlik gərginliyi” olduğunu bildirib. Bu, bazaya hücum edən qrupun çox güman ki, Dəməşq hökuməti ilə müttəfiq silahlı qruplarla əlaqəli olduğunu göstərir.
QAZİLER.AZ
