BAKI, 12 may. TELEQRAF
"Hazırda yeni klinik protokolların hazırlanması üzərində işlər aparılır".
Bu barədə Teleqraf-ın sorğusuna cavab olaraq Səhiyyə Nazirliyindən məlumat verilib.
"Səhiyyə Nazirliyi Tibb Müəssisələrinin Akkreditasiyası və Keyfiyyətə Nəzarət Mərkəzindən verilən məlumata görə, hazırda klinik protokolların hazırlanması üzərində işlər aparılır. Protokolların bir qisminin cari ilin sonunadək yekunlaşdırılması və təsdiq edilməsi nəzərdə tutulub", - məlumatda deyilib.
Qeyd edək ki, ötən il Səhiyyə Nazirliyinin İctimai Səhiyyə və İslahatlar Mərkəzindən bildirilmişdi ki, plastik cərrahiyyə və oftalmologiya üzrə klinik protokollar yoxdur.
