Rusiya prezidentinin mətbuat katibi Dmitri Peskov Beynəlxalq Olimpiya Komitəsinin (BOK) 2026-cı il Olimpiya Oyunları üçün idman nəşri olmayan Rusiya KİV nümayəndələrinə akkreditasiya verməməsini ayrı-seçkilik aktı adlandırıb. SİA xəbər verir ki, Peskovun sözlərinə görə, Rusiya belə siyasəti qəti şəkildə qəbul etmir. Bundan əvvəl “Russia Today” media qrupuna Qış Olimpiya Oyunları üçün akkreditasiya verilməyib. “Bu, Rusiya mediasına qarşı ayrı-seçkilikdir və biz bunu pisləyirik”, – TASS Peskovdan sitat gətirib.
2026-cı il Qış Olimpiya Oyunları fevralın 6-dan fevralın 22-dək İtaliyada keçiriləcək. Hazırda rusiyalı idmançıların qış idman növləri üzrə əksər beynəlxalq yarışlarda iştirakına qadağa qoyulub. Yalnız istisnalar fiqurlu konkisürmə, sürətli konkisürmə, şort-trek və xizək alpinizm kimi müəyyən idman növlərinə aiddir, lakin bəzi məhdudiyyətlərlə.
