Mail News: Rusların 58%-i Trampın qismən sülhdə maraqlı olduğuna inanır...
Sorğuda iştirak edən rusların əksəriyyəti hesab edir ki, ABŞ prezidenti Donald Tramp Ukraynada nizamlanma kontekstində sülhün əldə olunmasında yalnız qismən maraqlıdır və öz məqsədlərini güdür.
Poliqon xəbər verir ki, bunu “Novosti Mail” nəşrinin keçirdiyi sorğu ortaya qoyub.
Araşdırmaya görə, respondentlərin 58%-i hesab edir ki, Tramp Ukraynada sülhün əldə olunmasında yalnız qismən maraqlıdır və öz maraqlarından çıxış edir. Rusiyalıların daha 24%-i hesab edir ki, ABŞ prezidentinin məqsədləri nə sülh, nə də hərbi əməliyyatlarla birbaşa əlaqəli deyil.
Respondentlərin daha 9%-i münaqişənin saxlanmasının ABŞ prezidentinin maraqlarına uyğun olduğunu bildirib. Yalnız 8% Amerika liderinin Moskva ilə Kiyev arasında münaqişəni dayandırmağa həqiqətən cəhd etdiyini deyir. Sorğu iştirakçılarının 1%-i Trampın niyyətləri barədə fikirlərini ifadə etməkdə çətinlik çəkib.
Poliqon.info
