İnstrumental ixtisas qeydi yalnız hava gəmisinin kateqoriyasına uyğun uçuş qaydaları əsasında təyyarə, helikopter, dirijabldan istifadə edənlər üçün verilir.
Heftelik.az-ın məlumatına görə, bu, “Aviasiya personalına şəhadətnamələrin, vəsiqələrin və ya sertifikatların verilməsi və digər dövlətdə verilmiş analoji sənədlərin tanınması Qaydaları”nda əksini tapıb.
Ərizəçi, müvafiq hava gəmisi kateqoriyasında ən azı həvəskar pilot şəhadətnaməsinə sahib olmalıdır. İnstrumental ixtisas qeydi, uçuş əməliyyatlarının cihaz üzrə düzgün həyata keçirilməsini təmin edir. Gecə uçuşları icra etmək istəyənlər üçün əlavə gecə uçuşu üzrə ixtisas qeydi tələb olunur. Ərizəçi təyyarədə, helikopterdə və ya digər hava gəmisi kateqoriyalarında müəyyən sayda uzun məsafəli uçuşları yerinə yetirməlidir. Təlim kursları inteqrasiya edilmiş və ya modul kurslardan ibarət ola bilər. Kurs ərzində nəzəri bilik və uçuş təlimatı verilir. Ərizəçi nəzəri bilik imtahanından keçməli və praktiki bacarıq testini müvəffəqiyyətlə tamamlamalıdır. İnstrumental ixtisas qeydi müvəqqəti verilir və beynəlxalq mülki aviasiya standartlarına uyğun olaraq müddəti uzadıla bilər.
