Gəncədə yol nəqliyyat hadisəsi zamanı piyada xəsarət alıb.
Bizim.Media-nın yerli bürosunun məlumatına görə, hərəkətdə olan "Hyundai” markalı minik avtomobili yolu qarşı tərəfə keçmək istəyən 1997-ci il təvəllüdlü Q. Qayıbzadəni vurub.
Xəsarət alan piyada dərhal xəstəxanaya çatdırılıb. Ona ilkin tibbi yardım göstərilib, vəziyyətinin stabil olduğu bildirilir. Faktla bağlı araşdırma aparılır.
Məqsəd Rəhimov, Bizim.Media, Qərb Bürosu