Şirvan şəhərində baş verən yol-nəqliyyat hadisəsi insan itkisi ilə nəticələnib.
Heftelik.az-ın APA-ya istinadən verdiyi məlumata görə, qəza Heydər Əliyev prospektində qeydə alınıb.
İlkin məlumata görə, motosikletlə yük maşınının toqquşması nəticəsində Şirvan sakini, 1975-ci il təvəllüdlü Kərimov Azər Əlifağa oğlu hadisə yerində həyatını itirib. Şirvan sakini, 1993-cü il təvəllüdlü Qambayev Zahid Oruc oğlu isə ağır xəsarətlərlə Şirvan şəhər xəstəxanasına çatdırılıb.
Faktla bağlı araşdırma aparılır.
