"Qalatasaray" klubunun cari mövsümün sonunda Fernando Muslera ilə vidalaşacağı gözlənilir.

Offsideplus.az xəbər verir ki, "sarı-qırmızılar" uruqvaylı qapıçını "İnter"də çıxış edən Yann Zommerlə əvəz etmək istəyir. Alisson və Yan Oblakla da maraqlanan "Qalatasaray" üçün təcrübəli çərçivə qoruyucusu daha real namizəd kimi görünür.

Bu barədə "İnterLive" portalı məlumat yayıb.

İstanbul təmsilçisi isveçrəli qapıçını 3 illik müqavilə ilə yoldan çıxarmaq istəyir. 

Zommer "İnter" ilə müqaviləsi gələn ilin yayında başa çatır. O, cari mövsüm 46 oyunda meydanda olub və 20 görüşdə qapısında qol görməyib.