Xabi Alonsodan vida nitqi: "Bayer"lə həftəsonu sağollaşmaq istəyirəm"

"Bayer"in baş məşqçisi Xabi Alonso klubla vidalaşıb.

Offsideplus.az xəbər verir ki, 43 yaşlı mütəxəssis bu gün Bundesliqa təmsilçisindən ayrılacağını rəsmən açıqlayıb:

"Bu, gedişimi elan etmək üçün uyğun vaxt idi. Çünki biz "Bayer"lə həmişə yaxşı münasibətdə olmuşuq. Biz bu anlardan qarışıq hisslərlə həzz almalıyıq. Bu çox emosiyalıdır! Mən oyunçularla və personalla danışdım. Asan olmadı... Bizim əla əlaqələrimiz var idi. Məhz bu amil işimizdə həlledici məqam idi. Onlar mənə inanırdılar. Mən onlarla bu həftəsonu sağollaşmaq istəyirəm. Bu, klubda uzun, mənalı və uğurlu vaxt idi. Mənə son günədək göstərilən hörməti qarşı tərəfə qaytarmaq istəyirəm" - jurnalist Ben Ceykobs "X" sosial şəbəkəsində Xabi Alonsonun sözlərini belə çatdırıb.

Qeyd edək ki, ispan mütəxəssis 2022-ci ildən Leverkuzen təmsilçisinin sükanı arxasındadır. O, baş məşqçi karyerası ərzində "Bayer"lə Bundesliqa çempionu, Almaniya Kuboku və Superkuboku qalibi olub.