Avropa Komissiyası Rusiyaya qarşı 17-ci sanksiyalar paketini hazırlayıb

Avropa Komissiyası Rusiyaya qarşı daha geniş şəbəkəni əhatə edəcək 17-ci sanksiyalar paketini hazırlayıb. 

Missiya.Az APA-ya istinadən xəbər verir ki, bu barədə “Bloomberg“ mənbələrə istinadən məlumat yayıb. Sanksiyalar çərçivəsində Rusiya neftini daşıyan donanmaya qarşı məhdudiyyətləri gücləndirmək, yəni sanksiyalara məruz qalan gəmilərin sayının iki dəfə artırmaq nəzərdə tutulduğu bildirilir. 

Belə ki, sanksiya siyahısına 60 fiziki və hüquqi şəxsin, 150 gəminin əlavə edilməsi təklif edilir. Bu zaman sanksiyaya məruz qalan gəmilərin ümumi sayı 300-ü keçə bilər. Məlumata görə yeni məhdudiyyətlərin tətbiqi və ya bu addımdan imtina ilə bağlı yekun qərarı mayın 20-də Brüsseldə Avropa İttifaqının xarici işlər nazirləri verəcək.