Çilinin Atakama səhrası üzərində müşahidə edilən yaşıl parıltı, bir çoxlarının düşündüyünün əksinə olaraq qütb işığı (aurora) deyil.
Busaat.az xarici mediaya istinadən xəbər verir ki, bunu La Silla Rəsədxanasının kamerası qeydə alıb.
Mütəxəssislər bildirirlər ki, bu parıltı atmosferin yuxarı qatlarından yayılan və “airglow” adlandırılan təbii işıqdır.
Airglow – Günəşdən gələn ultrabənövşəyi şüaların Yer atmosferindəki atom və molekulları stimullaşdırması nəticəsində yaranan, zəif və davamlı bir işıq saçılmasıdır. Adətən çılpaq gözlə görünməyəcək qədər solğun olur və yalnız çox qaranlıq, işıq çirkliliyindən uzaq ərazilərdə yüksək həssasiyyətli kameralarla görüntülənə bilir.
Auroralar isə Günəşdən gələn yüklü zərrəciklərin Yer maqnit sahəsi ilə toqquşması nəticəsində yaranır. Onlar daha parlaq və dinamik olur, lakin airglow ilə fərqli fiziki proseslər nəticəsində baş verir.
Aqil Nuriyev
Busaat.az
