ABŞ Prezidenti Donald Tramp altı ay ərzində yeni milli təhlükəsizlik müşaviri təyin etməyi planlaşdırdığını bildirib.
Sfera.az “İnterfaks”-a istinadən xəbər verir ki, Ağ Ev Baş Qərargah rəisinin müavini və Trampın daxili təhlükəsizlik üzrə müşaviri Stiven Millerin bu vəzifəyə əsas namizəd olub-olmaması ilə bağlı suala prezident belə cavab verib:
"O, artıq dolayı yolla bu vəzifəyə malikdir. Çünki onun çox şey haqqında deyəcək fikirləri var. Stiven Miller administrasiyada çox dəyərli şəxsdir”.
O vurğulayıb ki, milli təhlükəsizlik üzrə müşaviri Mayk Valtsın istefa etməyib. ABŞ-nin BMT-dəki səfiri kimi daha yüksək vəzifəyə təyin edilib. Valsın getməsindən sonra ABŞ dövlət katibi Marko Rubio milli təhlükəsizlik üzrə müşaviri vəzifəsinin icrasına başlayıb.
Fidan Hacızadə
Sfera.az
