Çin rəsmiləri ABŞ-ın ikitərəfli danışıqlara hazır olduqları barədə bəyanatlarını araşdırır.
Editor.az xəbər verir ki, bu barədə Çinin Ticarət Nazirliyi məlumat yayıb.
Nazirlik vurğulayıb ki, ABŞ rəsmiləri ticarət vergilərini müzakirə etmək üçün Çin tərəfi ilə görüşməyə hazır olduqlarını dəfələrlə bildiriblər.
Nazirlik Vaşinqtonun müvafiq tərəflər vasitəsilə Pekinə danışıqlara hazır olduğunu bildirən mesajlar göndərdiyini və Çinin də bu ehtimalı araşdırdığını qeyd edib.
Tramp aprelin 23-də bildirib ki, Vaşinqton Çin mallarına rüsumları aşağı salacaq, lakin tarif sıfır olmayacaq. Ağ Evin prezidenti bildirib ki, Çin mallarına qoyulan ümumi tariflər çox yüksəkdir.
Qeyd edək ki, Tramp aprelin 25-də Çin prezidenti Xi Jinping ilə telefon danışığı apardığını açıqlayıb.Ağ Ev rəhbəri görüşün mövzusunu müzakirə edərkən, ölkələr arasında ticarət əlaqələri kontekstində ABŞ-ı “hər kəsin alış-veriş etmək istədiyi nəhəng, möhtəşəm mağazaya” bənzədib.
//Gülnarə Abasova, Editor.az
