YEVLAX, 28 aprel. TELEQRAF
Yevlax rayonunda ağır yol-nəqliyyat hadisəsi baş verib.
Teleqraf-ın yerli bürosunun məlumatına görə, hadisə Bakı-Qazax avtomagistralının Yevlax rayonu ərazisindən keçən hissəsində qeydə alınıb.
İdarəetməni itirən "Honda" markalı minik avtomobili qəzaya uğrayıb. Nəticədə Şəki sakinləri — Məlakət Süleymanova və 1993-cü il təvəllüdlü Yusif Süleymanlı ağır bədən xəsarətləri alıblar. Yaralılar təcili xəstəxanaya çatdırılıblar.
Xəstəxanada aparılan tibbi müdaxilələrə baxmayaraq, Yusif Süleymanlının qolu amputasiya edilib.
Faktla bağlı araşdırma aparılır.
