ABŞ prezidenti Donald Tramp Bazar ertəsi bildirib ki, o, Ukraynadakı müharibəni həll etmək üçün təklif etdiyi sülh planının məzmununu bu həftə açıqlayacaq. Bu plana təklif olunan atəşkəs rejiminə əməl etmək üçün Avropa qoşunlarının UKraynaya göndərilməsi də daxil ola bilər.
Yenisabah.az xəbər verir ki, bu barədə "The New York Post" mənbələrə istinadla yazıb.
Ötən Cümə günü Trampın Vaşinqtonun hər iki döyüşən tərəflə aylardır apardığı müzakirələrdən sonra Amerikanın atəşkəs danışıqlarında iştirakını dayandırmaqla hədələməsindən sonra Birləşmiş Ştatlar Rusiya və Ukraynanın sülh razılaşmasına cavab verməsini gözləyir.
Tramp jurnalistlərə bildirib: “Bütün təfərrüatları qarşıdakı 3 gün ərzində sizə verəcəyəm. Ancaq Ukrayna, Rusiya ilə bağlı çox yaxşı görüşlərimiz oldu... Görək bundan nə çıxacaq”.
Kiyev və Moskva planı daxildə müzakirə etdiyi üçün şərtlərin qəbul edilib-edilməsi hələ yekunlaşmasyıb. Amma yüksək səviyyəli administrasiya rəsmisi bildirib ki, müharibənin dayandırılması və atəşkəs Avropa qüvvələrinin Ukraynaya yerləşdirilməsini nəzərdə tuta bilər.
Atəşkəs rejiminə nəzarət etmək üçün ayrıca sülhməramlı qüvvələrin yaradılmasından da danışılır ki, bu da rusiyalıların, ukraynalıların və NATO üzvü olmayan üçüncü ölkədən ibarət birgə komissiya kimi görünür və o, hər iki tərəfin silahı yerə qoymasını təmin etmək üçün cəbhə xəttində monitorinq keçirəcək.
ABŞ da prosesə cəlb oluna bilər.
Yüksək səviyyəli bir administrasiya rəsmisi cümə günü bildirib ki, Kiyev ötən həftə ABŞ rəsmiləri ilə danışıqlar zamanı Ukraynanın Rusiya tərəfindən işğal olunmuş hissələrinin Moskvanın suveren ərazisi kimi tanınmasına işarə edib, o, razılaşmanın torpaq hissəsindən çox narahatdır.
Rəsminin sözlərinə görə, Ukrayna ərazinin 20%-indən imtina etməyə hazır görünür.
Planın təfərrüatları ortaya çıxmağa başlasa da, tərəflərin nədə razılaşdığı bəlli deyil. Həm Kiyev, həm də Moskva mümkün şərtləri araşdırır və ABŞ-ı danışıqlar masasından kənarda saxlamaq üçün saziş imzalamaq ehtimalı ilə bağlı xəbərləri təkzib edir.
Ukraynanın müdafiə naziri Rustem Umerov bildirib ki, Ukrayna ABŞ-ın təklif etdiyi sülh sazişi ilə təxminən 90 faiz razıdır. Onlar ötən həftə Parisdə dövlət katibi Marko Rubio, prezidentin xüsusi elçiləri Stiv Uitkoff və Keyt Kelloqla müzakirə aparıblar.
Bununla belə, Umerov həftəsonu açıqlamasını təkzib edərək "Sky News"-a deyib ki, onun ofisi “siyasi qərarlar qəbul etmir”.
Nazir bildirib: "Bizim bir neçə prinsipial mövqeyimiz var: martın 11-də ABŞ-ın tam atəşkəs təklifini dəstəklədik, Rusiya isə ABŞ-ın atəşkəs təklifini dəstəkləmədi və Ukrayna şəhərlərinə və infrastrukturuna gündəlik zərbələri davam etdirir. Belə şəraitdə kiminsə hər hansı dialoqun gedişatını necə müzakirə edəcəyi və ya "faizlə" ölçə biləcəyi bəlli deyil".
O, müzakirələrdə Kiyevin nümayəndə heyətini təşkil edən iki yüksək rütbəli ukraynalı məmurdan biri idi və evə qayıdıb öz imkanlarını Ukrayna prezidenti Vladimir Zelenskiyə təqdim edəcəyi gözlənilirdi.
"Əsas məsələ atəşkəs təklifinin işləməsini və etibarlı şəkildə izlənilməsini necə təmin etməkdir. Amerikalı tərəfdaşlarımızla konstruktiv dialoqu davam etdiririk və bu müharibəyə son qoymağa tam sadiqik”.
Telegram kanalımız
