Hurriyyet.az "İnterfaks" agentliyinə istinadla xəbər verir ki, ABŞ Prezidenti Donald Tramp ölkədə dərmanların qiymətinin 80% ucuzlaşdırılacağını bəyan edib.
Tramp bildirib ki, Amerikada reseptlə verilən dərmanların qiymətinin aşağı salınması ilə bağlı fərman imzalayacaq.
Tramp öz sosial şəbəkəsində yazıb: "Sevinclə elan edirəm ki, sabah səhər 09.00-da, Ağ evdə ölkəmizin tarixində ən mühüm icra fərmanlarından birini imzalayacağam. Respetlər verilən dərmanların və digər dərman preparatlarının qiymətləri dərhal təxminən 30-80% ucuzlaşdırılacaq".
Trampın sözlərinə görə, bu qərar və onun apardığı siyasət sayəsində "ABŞ-də də dünyada ən aşağı qiymətə dərman satılan ölkədəki qədər pul ödəniləcək".
Tramp yazıb: "Nəhayət ki, bizim ölkəmizə ədalətlə yanaşılacaq. Vətəndaşlarımızın səhiyyə xərcləri isə dəfələrlə azalacaq".
Tramp qeyd edib ki, dərmanların qiymətini bərabərləşdirmək üçün bütün dünyada preparatların qiymətləri artacaqdır.
Hürr Tərcüman
