Pentaqon ABŞ müdafiə naziri Pit Heqsetin şifahi əmri ilə fevral ayında Ukraynaya silah tədarükünü bir həftəlik dayandırıb.
NOCOMMENT.az xəbər verir ki, bu barədə Reuters agentliyi məlumat yayıb.
Onun məlumatlarına görə, “müdafiə naziri Pit Heqsetin ofisinin şifahi əmri ilə Delaverdəki aviabazadan və BƏƏ-dəki ABŞ bazasından Ukraynaya artilleriya mərmiləri və digər silahlar daşıyan 11 uçuş ləğv edilib”.
Uçuşların ləğvi ilə bağlı göstərişin yanvarın 30-da ABŞ prezidenti Donald Trampın Heqsət və digər yüksək rütbəli milli təhlükəsizlik rəsmiləri ilə görüşündən sonra verildiyi deyilirdi.Reuters agentliyinin məlumatına görə, görüşdə Ukraynaya yardımın dayandırılmasının mümkünlüyü müzakirə edilib, lakin prezident çatdırılmaların dayandırılması ilə bağlı göstəriş verməyib. Bəzi agentlik mənbələrinə görə, Hegseth prezidenti düzgün başa düşməyib və lazımi göstəriş olmadan əmr verib.
Reuters qeyd edir ki, uçuşların ləğvi ABŞ-a 2,2 milyon dollara başa gəlib. Agentliyin vurğuladığı kimi, çatdırılmaların dayandırılması Kiyevdə narahatlıq yaradıb. Nəşr bildirir ki, Ukrayna tərəfi müxtəlif kanallar vasitəsilə səbəblər barədə məlumat əldə etməyə çalışıb, lakin ABŞ administrasiyası pauzanı yalnız sonradan “daxili siyasət”lə izah edib. Pentaqonun və Dövlət Departamentinin yüksək vəzifəli məmurlarının dayandırmanın səbəbini izah etməkdə çətinlik çəkdikləri bildirilir.
Agentlik tədarüklərin fevralın 5-dək bərpa olunduğunu bildirib.
