Beynəlxalq Cüdo Federasiyası (IJF) dünya reytinqini yeniləyib.
İdman.biz xəbər verir ki, bu, Azərbaycan komandasının 2 qızıl və 2 gümüş medal qazandığı Düşənbədə (Tacikistan) keçirilən Böyük Dəbilqə yarışlarının nəticələrini əks etdirir.
Turnirin qalibi Elcan Hacıyev (90 kq) 6 pillə irəliləyərək 4-cü yerdə qərarlaşıb. Onun komanda yoldaşı və finaldakı rəqibi Vüqar Talıbov isə 9 xalla 12-ci pilləyə yüksəlib.
Böyük Dəbilqənin digər çempionu, əvvəllər dünya reytinqində 18-ci yeri tutan Balabəy Ağayev (60 kq) 12-ci yerədək irəliləyib.
Yarışın gümüş mükafatçısı Camal Qamzatxanov (+100 kq) isə 13 pillə yüksələrək 28-ci yerdə qərarlaşıb.
Olimpiya çempionları Hidayət Heydərov (73 kq) və Zelim Kotsoyev (100 kq) liderliklərini qoruyublar.
İdman.biz
