Xəbər verdiyimiz kimi, Prezident İlham Əliyevin sərəncamı ilə İlham Ata oğlu Mirzəliyevi “Azəristiliktəchizat” Açıq Səhmdar Cəmiyyətinə sədr təyin olunub.
Axar.az xəbər verir ki, İ.Mirzəliyev 1960-cı ildə anadan olub. İqtisadçı-mühəndisdir.
O, 1982-2000-ci illərdə “Azərenerji” Dövlət Şirkətinin İstilik şəbəkələri müəssisəsində iqtisadçı-mühəndis, planalaşdırma və əmək üzrə böyük iqtisadçı, direktor müavini, 2000-2005-ci illərdə Bakı şəhər İcra Hakimiyyətinin “Bakı istilik şəbəkə” İstehsalat Birliyində Baş direktor müavini, 2 saylı İstilik idarəsində rəis müavini, Bakı şəhər İstilik idarəsində rəis müavini, 2005-ci ildən "Azəristiliktəchizat" ASC-nin sədr müavini vəzifəsində çalışıb.
Azərbaycan Respublikası Prezidentinin 2015-ci il 09 aprel tarixli Sərəncamına əsasən "Tərəqqi" medalı ilə təltif edilib.
İ.Mirzəliyev bundan əvvəl Azərbaycan Respublikası Prezidentinin 07.02.2022-ci il tarixli 3132 nömrəli sərəncamına əsasən "Azəristiliktəchizat" ASC-nin sədri vəzifəsini müvvəqəti icra etməkdə idi.
İqtisad üzrə fəlsəfə doktorudur.
Ailəlidir, 2 övladı var.
