Səudiyyə Ərəbistanının Sudandakı səfiri Əli Cəfər bəyan edib ki, ölkəsi Sudanın müxtəlif əyalətlərində 6 xəstəxananın təmiri və onları tibbi cihaz və avadanlıqlarla təmin etmək öhdəliyinə sadiqdir.
Hafta.az-ın yazdığına görə, səfir Cəfər ötən həftə Xartumdakı vəzifəsinə qayıdıb, səfirliyin binasına baxış keçirib və təmir işlərinə başlayıb. Səfirin vəzifəyə qayıtması Sudan hakimiyyəti və ictimaiyyəti tərəfindən hərarətlə və coşğu ilə qarşılanıb.
Səudiyyə səfiri Sudana və Sudan qurumlarına geri qayıtmasından məmnunluğunu ifadə edərək, "Səudiyyə Ərəbistanı hökuməti və xalqı Sudanı dəstəkləməyə və yardım göstərməyə davam edəcək" deyib.
SUNA-nın xəbərinə görə, Cəfər, müharibədən zərər çəkmiş Xartum əyalətinin vətəndaşlarına 5 min ərzaq paketinin paylanması ilə başlayan yeni qida yardımı layihəsini açıqladı və logistika səylərinə dəstək veriləcəyini bildirib.
Agentliyin məlumatına görə, belə hallarda Səudiyyə Ərəbistanının Sudan hökuməti və xalqı ilə əlaqə saxlamasını təmin etmək və layihələri izləmək üçün komitə yaradılıb.
Xartum valisi Əhməd Həmzə də səfir Cəfəri qəbul edərək Səudiyyə Ərəbistanının Sudana göstərdiyi köməyi, eləcə də müharibədən əvvəl və sonra göstərdiyi dəstək və yardımı yüksək qiymətləndirib.
