BAKI, 1 may. TELEQRAF
Braziliya hakimiyyəti terrorizmlə mübarizədə BRİKS ölkələri arasında əməkdaşlığın artırılmasının tərəfdarıdır və artıq icma üzvlərinə “konkret təkliflər” göndərib.
Teleqraf xəbər verir ki, bunu Braziliya dövlət başçısının beynəlxalq məsələlər üzrə xüsusi köməkçisi Selso Amorim deyib.
Diplomat xatırladıb ki, 2009-cu ildən terrorizmlə mübarizə və informasiya texnologiyaları sahəsində işçi qruplarının yaradılması sayəsində BRİKS ölkələrinin milli təhlükəsizlik müşavirlərinin görüşləri keçirilir.
"Braziliya artıq bu iki qrupa ixtisaslaşmış qurumların imkanlarını artırmaq üçün konkret təkliflər təqdim edib", - Braziliya rəsmisi deyib.
Braziliya liderinin köməkçisi həmçinin icma üzvlərini birqütblü dünya nizamını bərpa etmək cəhdlərinə birliklə qarşı çıxmağa və beynəlxalq münasibətlərdə çoxtərəfliliyin gücləndirilməsi üçün birgə fəaliyyət göstərməyə çağırıb.
