AZ
Mövzular
Kriminal
29.04.2025 ◦ 15:25

Uşaqlarda erkən cinsi inkişafı yaradan SƏBƏBLƏR — AÇIQLAMA

"Uşaqlarda erkən cinsi inkişaf müxtəlif səbəblərdən ola bilir. Heç bir fakt olmadan genetika da bu məsələdə rol oynaya bilər. Hormonların artması səbəbindən uşaqda erkən cinsi inkişaf halları baş verə bilir. Belə hallar uşaq endokrinoloqu tərəfindən təqib edilməlidir. Bəzi hallar müalicə tələb edir ki, uşağın boyu qısa qalmasın. Əlimizdə dəqiq statistika olmasa da, yediyimiz qidaların hormonal sistemə birbaşa təsir etdiyini deyə bilərik".

Bu sözləri Demokrat.az-a açıqlamasında pediatr Aytən İsmayılzadə deyib. 

O bildirib ki, bu gün yetişdirilən toyuqlar, balıqlar, bişirmək üçün istifadə olunan trans yağlar uşaqlarda erkən cinsi inkişafın baş verməsinə təsir edir:

"Bu qidalar təkcə uşaqlarda deyil, böyüklərdə də hormonal disbalansın pozulmasına səbəb olur. Böyüklərdə piylənmə, şəkərli diabet, polikistoz, trioid vəzinin işinin pozulmasına gətirib çıxarır. Uşaqlarda "fast food" kimi qidalar konkret sistemə oturmamış hormonal balansı poza bilir. "Fast food" şəbəkələrində süni şişirdilən toyuqlar, balıqlar çox istifadə olunur. Həmin qidalar tez kökəldən maddə ilə zəngindirlər. Bu, maddələr bədəndən heç yerə getmir, dişlədikdən sonra rahat şəkildə sovrulur, hormonal sistemə təsir edir. Körpə uşaqlara verilən süni qidalar da bu cür maddələrlə zəngindir. Uşaqlarda çəkimi artımı, piylənmə, hormonal pozuntu yarada bilir. Həmin heyvanlar məhsuldarlığı artsın deyə xüsusi qidalar, dərmanlarla bəslənirlər. Nəticədə həmin maddələr istehlakçıya, yəni, insanlara təsir edir".


Əfsanə Kamal
Demokrat.az
Seçilən
1
32
demokrat.az

10Mənbələr