Salyanda güclü külək qovaq ağacını avtomobilin üstünə aşırıb.
“Report”un məlumatına görə, hadisə şəhərin M.Ə.Rəsulzadə küçəsində baş verib.
Qəfil başlayan güclü külək nəticəsində 50-60 illik qovaq ağacı kökündən qoparaq avtomobilin üstünə aşıb.
Hadisə zamanı xəsarət alan olmasa da, avtomobilə ciddi ziyan dəyib.
Aidiyyəti qurumların əməkdaşları hadisə yerinə cəlb olunub, ağac budanaraq ərazidən yığışdırılıb.
