Rusiya Xarici İşlər Nazirliyinin sözçüsü Mariya Zaxarova Ukrayna Prezidenti Volodimir Zelenskinin İstanbul şəhərinə gedən Rusiya nümayəndə heyətini “butaforik” adlandırmasına sərt reaksiya verib. O, Zelenskini “kloun” və “butaforik lider” adlandıraraq, Ukrayna tərəfinin bəyanatlarını ciddiyə almadıqlarını bildirib.
Bizim.Media xəbər verir ki, bu barədə görüntüləri TASS agentliyi yayıb.
Qeyd edək ki, Zelenski az öncə, Ankara hava limanlnda verdiyi brifinqdə Rusiya nümayəndə heyətinə rəhbərlik edən Vladimir Medinskini və ümumilikdə heyətin tərkibini qeyri-ciddi hesab etdiyini açıqlamış, Ukraynanın danışıqlara qatılıb-qatılmayacağına dair qərarın Türkiyə Prezidenti Rəcəb Tayyib Ərdoğanla görüşdən sonra veriləcəyini bəyan etmişdi.
Xatırladaq ki, Ukrayna və Rusiya nümayəndə heyətlərinin İstanbulda keçirilməsi planlaşdırılan görüşü ətrafında qeyri-müəyyənlik davam edir.
Bizim.Media
- Gecə Modu
- Ana səhifə
- Statistika
- Mənbələr
- Reytinq
- Hava
- Valyuta
