Tutulmuş şəxslərin təhvil verilməsi ciddi qaydalara əsaslanır.
Heftelik.az-ın məlumatına görə, bu, Polis orqanlarının müvəqqəti saxlama yerlərində saxlanılan şəxslərin mühafizəsi və müşayiəti qaydalarına dair Təlimatda əksini tapıb.
Qəbul otaqlarında kənar şəxslərin olması yolverilməzdir. Hər bir tutulmuş şəxs fərdi qaydada yoxlanılır. Onların səhhəti və şikayətləri araşdırılır. Müşayiətə dair bütün məlumatlar sənədlərlə tutuşdurulur. Müşayiət üçün qəbul edilən şəxslərin sənədləri möhürlənmiş zərflərdə olur. Xüsusi təhlükəli şəxslərin sənədləri qırmızı zolaqla işarələnir. Şəxslər yalnız tibbi yoxlamadan keçdikdən sonra qəbul edilir.
