Türkiyənni Diyarbəkir şəhərinin sakinləri polislərin tonlarla narkotik yandırmasından sonra çətinliklə üzləşiblər.
Gundem.az xəbər verir ki, hadisə Lice qəsəbəsində baş verib. Məsul şəxslər 2023-2024-cü illərdə polis əməkdaşlarının keçirdiyi reydlər zamanı ələ keçirmiş 20,7 ton narkotik vasitəni qəsəbəyə daşıyıblar. Bitkilər bir neçə dəqiqə ərzində yandırılıb.
Hadisədən sonra 25 min əhalisi olan qəsəbəni tüstü bürüyüb və bir neçə gün keçsə də tüstü yox olmayıb.“Bir neçə gündür ərazidən narkotik iyi gəlir. Pəncərələri aça bilmirik. Uşaqlarımız xəstədir, daim xəstəxanaya gedirik”, - deyə rayon sakinlərindən biri bildirib.
Mütəxəssislər hesab edir ki, hakimiyyət şəhər daxilində narkotiki yandırmamalı, əvəzində daha peşəkar üsullar seçməli idi. Mütəxəssislər belə hadisələrin tüstüdən nəfəs alanlarda ürəkbulanma, başgicəllənmə və hallüsinasiyalara səbəb olduğunu bildirirlər.
