ABŞ prezidenti Donald Tramp Səudiyyə Ərəbistanına səfəri zamanı ABŞ-ın bundan sonra Fars körfəzini Ərəbistan körfəzi adlandıracağını planlaşdırır. Bu barədə Associated Press anonim qalmaq istəyən amerikalı rəsmilərə istinadən xəbər verir. Fars körfəzinin ərəb dövlətləri uzun müddətdir ki, onun Ərəb körfəzi adlandırılmasını tələb edirlər və bu ölkələrin özlərində Körfəz adətən belə adlanır. Pentaqon da öz sənədlərində və xəritələrində uzun müddətdir ki, körfəzi Ərəb körfəzi kimi qeyd edir.
Trampın özü 2017-ci ildə körfəzi Ərəb körfəzi adlandırdı, bundan sonra İran prezidenti Həsən Ruhani ona “coğrafiyanı öyrənməyi” tövsiyə etdi. 2012-ci ildə İran xəritələrində körfəzin adının çəkilməməsi qərarına görə Google-u məhkəməyə verməklə hədələmişdi. Hazırda ABŞ-da Google Maps-də Körfəz "Fars (ərəb)" kimi qeyd olunur. Yanvar ayında isə Donald Tramp Meksika körfəzinin adının Amerika Körfəzi adlandırılmasını əmr etmişdi.
Surxay Əliyev
