Son zamanlar geniş yayılan dələduzluq üsullarından biri - naməlum mənbələrdən göndərilən qazanc vədli mesajlardır.
News24.az xəbər verir ki, bu barədə Elektron Təhlükəsizlik Xidməti məlumat yayıb.
Bu tip mesajlar əsasən, ani mesajlaşma platformaları üzərindən göndərilir və tərkibində şübhəli keçidlər, eləcə də istifadəçini tez qərar verməyə sövq edən çağırışlar olur.
Elektron Təhlükəsizlik Xidməti vətəndaşlara bu cür "asan qazanc" vədlərinə qarşı diqqətli olmağı, şübhəli keçidlərə daxil olmamağı, fərdi məlumatlarını tanımadıqları şəxslərlə paylaşmamağı və belə mesajları platforma üzərindən şikayət etməyi tövsiyə edir.
