Türkiyəli mütəxəssis Kübra Gülər diş əti çökməsinin ən əhəmiyyətli səbəblərindən birinin diş daşının yığılması olduğunu vurğulayaraq, bunun təkcə diş ətinə deyil, sümüklərə də təsir etdiyini bildirib.
Medicina.az xəbər verir ki, doktor Gülər bildirib ki, diş daşının yığılması ilə diş ətləri geri çəkilməyə başlayır:
"Bu, dişlərin köklərinin açıq qalmasına və zamanla dişlərin boşalmasına səbəb ola bilər. Ağızdakı bəzi əzələ birləşmələrinin (frenulum) dişlərə yaxın yerləşməsi də diş əti resessiyasına səbəb ola bilər. Belə hallarda, bu əzələ birləşmələrini "frenektomiya" proseduru ilə çıxarmaq lazım ola bilər.
Ağıza qələm və ya brelok qoymaq, sərt diş fırçalama kimi vərdişlər də diş ətini geri çəkə bilər".
Doktor Gülər əlavə edib:
"Diş ətinin altındakı sümük zamanla əriyir. Bu, dişin dəstəkləyici toxumalarını itirməsinə səbəb olur. Sümük itkisi irəlilədikcə diş boşalır və çəkilmə tələb olunur. Uyğun hallarda cərrahi müdaxilə ilədüzəldilə bilər".
Aygün
Medicina.az
