Dünən Xaçmaz rayonu ərazisində ağır yol-nəqliyyat hadisəsinin baş verməsi ilə bağlı məlumat yaymışdıq.
Avtosfer.az xəbər verir ki, qəza ilə bağlı Baş Dövlət Yol Polisi İdarəsinin şöbə rəisi, polis polkovnik-leytenantı Rövşən Tağıyev özünün sosial şəbəkə hesabında məlumat paylaşıb. Paylaşımda şöbə rəisi sürücülərə xəbərdarlıq edib:
-Sükan arxasında yalnız özünüzün deyil, ailənizin də taleyinə cavabdehsiniz.
-Səfərə çıxmazdan əvvəl mütləq istirahət edin, avtomobilin texniki vəziyyətini yoxlayın.
-Sürətə yox, təhlükəsizliyə üstünlük verin.
-Uşaqlar üçün təhlükəsizlik kəməri həyat qədər vacibdir.
Bir ailəni yol deyil, ehtiyatsızlıq məhv etdi. Sizin ailəniz növbəti olmasın”.
Hadisə ilə bağlı TƏBİB-dən sorğumuza cavab olaraq bildirildi ki, 04.05.2025-ci il saat 17:40 radələrində Xaçmaz rayonunda baş verən yol-nəqliyyat hadisəsi səbəbilə xəsarət alan 4 nəfər (3-ü kişi, 1-i qadın cinsli olmaqla) Xaçmaz Rayon Mərkəzi Xəstəxanasına hospitalizasiya olunub:
“Hazırda xəsarət alan 1965-ci il təvəllüdlü (qadın cinsli), 2014-cü il təvəllüdlü (kişi cinsli) şəxslərə zəruri tibbi yardım göstərilir və onların müalicəsi Təcili tibbi yardım şöbəsində davam etdirilir. Vəziyyətləri stabil olaraq qiymətləndirilir.
1962-ci il təvəllüdlü (kişi cinsli) şəxs Qusar rayonunda yerləşən özəl tibb müəssisələrindən birinə təxliyə olunub.
Göstərilən bütün reanimasiya tədbirlərinə baxmayaraq 1984-cü il təvəllüdlü (kişi cinsli) şəxsin 19:20 radələrində ölüm faktı qeydə alınıb”.
Səfər
