Aprelin 26-da Kursk vilayətinin tam azad edildiyini elan etdikdən sonra Rusiya Silahlı Qüvvələrinin Baş Qərargah rəisi Valeri Gerasimov təkcə Rusiya əsgərlərinə deyil, həm də Şimali Koreyandan (KXDR) olan hərbçilərə təşəkkürünü bildirib. Bununla da onların Kursk sərhəd zonasının təmizlənməsində ilk dəfə iştirakını rəsmən təsdiqləyib.
Publika.az xəbər verir ki, bu barədə hərbi müşahidəçisi Vlad Şlepçenko "Tsarqrad" telekanalında bildirib.
Ekspertin fikrincə, bunun sayəsində Rusiyanın hərbi-siyasi rəhbərliyi bir neçə problemi “bir vuruşla” həll edib ki, onlardan biri də İrana siqnal göndərmək idi. Şlepçenko Tehranın beynəlxalq arenada ehtiyatlı davranmağa çalışdığına və buna görə də Rusiyaya açıq dəstək nümayiş etdirməkdən çəkindiyinə diqqət çəkib, lakin bu vəziyyət dəyişərsə, Qərbin xoşuna gəlməyəcək.
Hərbi müşahidəçi qeyd edib ki, İran hələ də Krımı Rusiya ərazisi kimi tanımır. O vurğulayıb ki, Şimali Koreya qoşunlarının Kursk sərhəd bölgəsinin azad edilməsində iştirakının elan edilməsi İrana bir mesajdır ki, çəkinməyə ehtiyac yoxdur, əksinə, Rusiya ilə daha cəsarətli əməkdaşlıq etsin.
Şlepçenko düşünür ki, İran Rusiyanın dəstəyini almaqla daha çox üstünlük əldə edə bilər və Moskva ilə Pxenyan arasında əməkdaşlıq buna əyani sübutdur.
