2025-ci ilin may ayına olan son göstəricilərə əsasən, qızılın qiymətində artım davam edir.
Yenisabah.az xəbər verir ki, hal-hazırda bir unsiya qızılın qiyməti 3,259.34 ABŞ dolları səviyyəsində qərarlaşıb. Bu isə son 24 saat ərzində 17.51 dollar və ya 0.54% artım deməkdir.
Son 30 gün ərzində qızılın dəyəri 274.62 dollar və ya 9.26% artıb. Son 6 ayda isə bu artım daha da yüksəkdir — 574.21 dollar və ya 21.53%. Ən diqqətçəkən göstərici isə illik dəyişiklikdə müşahidə olunur: son 1 ildə qızılın qiyməti 915.57 dollar və ya 39.36% artıb.
Uzunmüddətli perspektivdə qızıl, investorlar üçün sabit gəlir mənbəyi olduğunu bir daha sübut edir. Belə ki, son 5 ildə qızılın qiyməti 91.99%, son 20 ildə isə 658.57% artıb.
Dünya iqtisadiyyatında qeyri-müəyyənliklərin artdığı bir vaxtda, qızıl ənənəvi olaraq "təhlükəsiz liman" kimi dəyərləndirilir. Bu da onun qiymətinin davamlı artmasına səbəb olur.
Telegram kanalımız
