Yəmənin “Ənsar Allah” hərəkatının üzvləri Ben Qurion da daxil olmaqla İsrailin hava limanlarına zərbələr endirərək İsrailə qarşı tam hava blokadası yaratmağı planlaşdırır.
APA xəbər verir ki, bu barədə hərəkatın nümayəndəsi Yəhya Sariya bildirib.
"İsrailin Qəzza zolağında aqressiv əməliyyatını genişləndirmək qərarına cavab olaraq, biz hava limanlarına, ilk növbədə İsraildə Ben Qurion hava limanı kimi tanınan Lod hava limanına çoxsaylı zərbələr endirərək, İsrailin tam hava blokadası yaratmağa çalışacağıq", - o, “Al Masirah” telekanalına bildirib.
