Küləkli havada baş ağrıları, xüsusilə miqrenlərə meylli və ya hava dəyişikliklərinə həssas olanlarda çox yaygın bir şikayətdir.
News24.az xəbər verir ki, bu tip baş ağrısını aradan qaldırmaq və ya qarşısını almaq üçün bəzi üsullar cəhd edilə bilər.
BAŞ AĞRISININ SƏBƏBLƏRİ
- Stress və əsəbilik
- Əzələ gərginliyi
- Göz və bədən yorğunluğu
- Kofein çəkilməsi
- Yuxu pozğunluğu
- Aclıq və susuzluq
- Miqren, sinüzit, diabet kimi xəstəliklər
- Həddindən artıq spirt istehlakı
- Dərmanların yan təsirləri
- Hormonal dəyişikliklər (aybaşı, menopoz)
Küləkdən Qorunmaq
Birbaşa küləyin təsirindən çəkinin. Xüsusilə boyun və baş nahiyəsi küləyə məruz qaldıqda, əzələlər gərginləşə bilər və bu, baş ağrısına səbəb ola bilər.
Şapka, başlıq və ya nazik şərfdən istifadə edərək baş və boyun bölgənizi qoruya bilərsiniz.
İSTİ VƏ QAPALI MÜHIT
Küləkli havada uzun müddət çöldə qalmaq baş ağrılarını artıra bilər. Mümkünsə, içəridə qalmaq və pəncərəni tam açmamaq kömək edə bilər.
Çox quru hava da ağrıya səbəb ola bilər. Lazım gələrsə, nəmləndirici istifadə edə bilərsiniz.
ÇOX SU İÇMƏK
Küləkli və quru havalarda fərqinə varmadan su itirə bilərsiniz. Hətta yüngül susuzlaşdırma baş ağrılarını pisləşdirə bilər. Gün ərzində mütəmadi olaraq su içməyi unutmayın.
Maqnezium çatışmazlığı bəzi insanlarda hava dəyişikliyindən qaynaqlanan baş ağrılarına səbəb ola bilər. Həkiminizlə məsləhətləşdikdən sonra maqnezium əlavəsi qəbul etməyi düşünə bilərsiniz.
GÖZLƏRİN QORUNMASI
Küləkdə quruyan və yorğun gözlər də baş ağrısına səbəb ola bilər. Eynək və ya günəş eynəyi taxaraq gözlərinizi qoruya bilərsiniz.
Səma
