Bu gün mətbuatdan eşitdik ki, Azərbaycan Respublikasının Ədliyyə Nazirliyi yanında İctimai Şuranın yeni tərkibdə ilk iclası olub. Tanınmış hüquqşunas Çingiz Qənizdə İctimai Şuranın sədri seçilib. İlk iclasda İctimai Şuranın fəaliyyət istiqamətləri müzakirə edilib, eyni zamanda, sədr müavini və katibin seçilməsi ilə də bağlı səsvermə keçirilib, Əmir Əliyev sədrin müavini, Mətanət Əsgərova isə Şuranın katibi seçilib. İctiami Şuraya və onun yeni tərkibdə fəaliyyətinə uğurlar arzulayıram.
Kiçik bir arayış: 1964–1974-cü illərdə Ağdaş şəhər Səməd Vurğun adına 1 saylı tam orta məktəbi fərqlənmə attestatı ilə bitirib. 1975-1977-ci illər hərbi xidmət keçdikdən sonra 1978-ci ildə Bakı Dövlət Universitetinin hüquq fakültəsinə daxil olub və 1984-cü ildə oranı uğurla bitirib.
Bu təbrik anlarında, əziz gündə yerinə düşməsə də ürəyimdən keçən bəzi sözləri deməliyəm. Çingiz Qənizadə qanun yaradıcılığında təmsil olunmalı bir ictimai-siyasi xadim, bir hüquqşunas alim, bir hüquq müdafiəçisidir. Hər dəfə tanınmış bir millət vəkilinin ucuz çıxışını, xalqı aşağılan təklif və sözünü eşidəndə qəlbimiz göynəyir. Nə isə...
Əziz Çingiz Qənizadə! Təbrik edirəm!
SƏXAVƏT TAĞLAR,
Azərbaycan Respublikasının Əməkdar müəllimi, Prezident təqaüdçüsü.
MİA.AZ
