"Mançester Yunayted" "Vulverhempton"un mərkəz hücumçusu Matheus Kunyanın transferi ilə bağlı hələ razılığa gəlməyib.
90deqiqe.Az xəbər verir ki, tərəflər sövdələşmənin bağlanması üzərində fəal işləməyə davam edirlər.
“Qırmızı şeytanlar” hazırda 25 yaşlı futbolçu ilə müqavilənin yekun detalları ilə bağlı danışıqlar aparır.
Bu mövsüm braziliyalı bütün turnirlərdə 32 matçda meydana çıxıb, 17 qol vurub və 6 məhsuldar ötürmə edib. Transfermarkt mütəxəssisləri forvardın qiymətini 55 milyon avro qiymətləndirib.
